Gəncədə narkomaniya ilə bağlı konfrans keçirilib. Bu haqda 20 dekabr tarixində İcra Hakimiyyətinə istinadən məlumat veririk.
“Narkomaniyaya yox deyək!” devizi altında konfransı Gəncə şəhər Ağsaqqallar Şurası keçirib. Tədbir Azərbaycan Dövlət Aqrar Universitetində baş tutub.
Konfransda Respublika Ağsaqqallar Şurasının sədr müavini Bayram Yusifov, şəhər Ağsaqqallar Şurasının sədri Nurəddin Məmmədov, ADAU-nun prorektoru Aida Qasımova, icra başçısı yanında fəaliyyət göstərən Narkomanlığa və Narkotik Vasitələrin Qanunsuz Dövriyyəsinə Qarşı Mübarizə Komissiyasının üzvləri, şəhər ağsaqqalları, təhsil müəssisələrinin müəllim-tələbə heyəti, gənclər və digər təşkilatların nümayəndələri iştirak ediblər.
Burada narkomaniyanın törətdiyi fəsadlardan bəhs olunub. Konfransda iştirakçıları maraqlandıran suallar ətrafında diskussiyalar aparılıb.
Sonda Bayram Yusifov Gəncə Şəhər Ağsaqqallar Şurasının sədri Nurəddin Məmmədovu 85 illik yubileyi münasibətilə Azərbaycan Ağsaqqallar Şurasının İdarə Heyətinin üzvləri və Şuranın sədri, Milli Məclisin deputatı, professor Eldar Quliyevin adından təbrik edib.
