Gəncədə bir sıra sakinlərin yaşadıqları bina ilə əlaqəli problem yaranıb. Bu haqda Gencexeber.az-a 13 iyun tarixində məlumat daxil olub.
Söhbət Dədə Qorqud prospektində Nəriman Nərimanov parkının yaxınlığında yerləşən 50A saylı binadan gedir. Sakinlər bildirirlər ki, binada novdanlar qoyulmadığı üçün yağmurlu hava şəraitində yağış suları mənzillərə dolur. Nəticədə divarlardakı oboy, boya və s. örtüklər sıradan çıxır. Onlar, həmçinin bildirirlər ki, divarlarda çatlar əmələ gəlir. Binanın bəzi hissələrində aqlay örtüyü tökülür.
“İllərdir binamızın novdan məsələsi həllini tapmır. Bir damcı yağış yağanda belə bütün su evin içinə axır. Divarlarımız yararsız hala düşür. Bu hal bizi çox narahat edir. Aidiyyəti qurumlara dəfələrlə müraciət etmişik. Lakin heç bir nəticə əldə olunmayıb. Bu problemimizin həll olunmasını arzu edirik”, - deyə sakinlər qeyd ediblər.
