“Moped”lərlə bağlı çıxan yeni qanunlara aydınlıq gətirilib. Bu haqda bu gün, 12 avqust tarixində Gencexeber.az Daxili İşlər Nazirliyinə istinadən məlumat verir.
Belə ki, 1 avqust tarixindən mühərrikinin işçi həcmi 50 kubsantimetr və daha çox, yaxud maksimal hərəkət sürəti saatda 50 kilometrdən artıq olan mopedlərin qeydiyyata alınması, habelə onların idarə edilməsi üçün sürücülük vəsiqəsi tələb olunur.
Mopedlər üçün müvafiq sənədlər alqı-satqı zamanı təşkil olunur. Əgər moped hissə-hissə ödəmə (kredit) ilə alınıbsa, qeydiyyat məsələsi satışı həyata keçirən şirkətlə həll edilir. Heç bir sənədi olmayan moped sahibi isə yalnız məhkəmə yolu ilə nəqliyyat vasitələrini rəsmiləşdirə bilər.
Qurumdan bildirdilər ki, təkcə cari ildə ikitəkərli nəqliyyatlarla bağlı 3000-dən artıq şikayət daxil olub. Bununla əlaqədar müvafiq addımlar atılıb.
