Gəncədə təmizlik işləri aparılır. Bu haqda 12 fevral tarixində MKTİB-yə istinadən xəbər veririk.
Gəncəçay və məcrası boyu genişmiqyaslı iməcilik aksiyası keçirilib. Şəhər Mənzil Kommunal Təsərrüfatı İstehsalat Birliyinin canlı qüvvəsi tərəfindən çayın təbii səbəblərdən və yaşayan sakinlər tərəfindən daha çox çirkləndirilən ərazilərində təmizlik işləri görülüb.
Çayın məcrası boyu məişət tullantıları, ağac qırıntıları, kol-kos, alaq otlarının bir yerə yığılaraq ərazidən daşınması təmin edilib. Gəncəçayın ətrafında yaşayan sakinlərdən, iaşə obyektlərindən, restoran və kafe sahiblərindən bir daha xahiş edilir ki, məişət tullantılarını çayın ərazisinə deyil, bunun üçün təyin olunmuş konteynerlərə və ya zibil qutularına atsınlar.
[modula id="54700"]
