Gəncədə universitetlərin birində maarifləndirici tədbir baş tutub. Bu haqda 29 sentyabr tarixində ATU-ya istinadən xəbər veririk.
Azərbaycan Texnologiya Universitetində “Əcnəbilər və vətəndaşlığı olmayan şəxslərin hüquq və vəzifələri: Miqrasiya qanunvericiliyində baş vermiş dəyişikliklər” mövzusunda maarifləndirici tədbir keçirilib. Burada universitetin rektoru və digər əməkdaşları iştirak ediblər.
Tədbirdə Regional Miqrasiya İdarəsinin əməkdaşları “Əcnəbilər və vətəndaşlığı olmayan şəxslərin hüquq və vəzifələri”, “Miqrasiya qanunvericiliyinin tələblərinin pozulmasına görə nəzərdə tutulmuş inzibati məsuliyyətlər”, “Dövlət Miqrasiya Xidməti tərəfindən əcnəbilər və vətəndaşlığı olmayan şəxslərlə bağlı göstərilən xidmətlər, miqrasiya qanunvericiliyində baş vermiş son dəyişikliklər” adlı məruzələrlə çıxışlar olub.
Sonda müzakirələr aparılıb və tələbələrin sualları cavablandırılıb.
Qeyd edək ki, tədbir Gəncə Regional Miqrasiya İdarəsinin təşkilatçılığı ilə baş tutub.
