Baş prokuror Kamran Əliyev mingəçevirlilərlə görüşəcək.
Gencexeber.az Baş Prokurorluğun Mətbuat xidmətinə istinadən məlumat verir ki, Əliyev Şəkidə vətəndaşları qəbul edəcək.
Görüş avqustun 27-də, saat 10:00-da Şəki rayon prokurorluğunun inzibati binasında təşkil olunacaq. Tədbirdə Şəki və Oğuz rayonlarının, eləcə də Mingəçevir şəhərinin sakinləri müraciətlərini səsləndirəcəklər.
Vətəndaşların qəbulla bağlı qeydiyyatı və Şəki rayonuna gəlmələrinin təşkili rayon prokurorları tərəfindən həyata keçiriləcək.
Görüşə qatılmaq istəyən şəxslər yaşadıqları ərazi üzrə rayon (şəhər) prokurorluqlarına yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 361 14 07 nömrəli telefonu, contact@prosecutor.gov.az elektron poçt ünvanı, həmçinin prokurorluğun sosial şəbəkələrdəki səhifələri (İnstagram, Facebook və X) vasitəsilə də qəbula yazıla bilərlər.
