Gəncədə Heydər Əliyevə həsr olunmuş tədbir baş tutub.
Gencexeber.az Gəncə Dövlət Universitetinə (GDU) istinadən məlumat verir ki, “Ulu öndərimiz Heydər Əliyev, milli-mənəvi dəyərləmizin qorunması, inkişaf etdirilməsi və təbliği” mövzusunda konfrans ümummilli liderin seçilməsinin 31-ci ildönümü münasibətilə keçirilib.
Tədbirdə Ağsaqqallar Şurasının sədr müavini, təşkilatın qərb regionu üzrə kuratoru Bayram Yusifov, GDU-nun Humanitar məsələlər üzrə prorektoru Gülsüm Fətəliyeva, Gəncə Şəhər Ağsaqqallar Şurasının sədri Nurəddin Məmmədov və İcra Hakimiyyətinin nümayəndəsi Yadigar Bədəlov çıxış ediblər. Onlar milli-mənəvi dəyərlərimizin qorunmasından və bunun gənclərin vətənpərvərlik tərbiyəsindəki əhəmiyyətindən danışıblar.
Sonda bir qrup şəxs Gəncə Şəhər Ağsaqqallar Şurasının işində səmərəli fəaliyyətlərinə görə təşkilatın təşəkkürnamələri ilə təltif olunublar.
