Gəncədə teatr binasının qarşısı baxımsız vəziyyətdədir.
Gencexeber.az-a daxil olan məlumata əsasən, Gəncə Dövlət Milli Dram Teatrının önü təmir işlərindən sonra səliqəyə salınmayıb.
Burada yığılıb qalan kərpic parçaları, qum qalıqları və s. tikinti tullantıları sakinləri narahat edir. Onların sözlərinə görə, bu mənzərə 4 aydır ki, müşahidə olunur. Bundan başqa, yeni döşənmiş tamet daşlarının bir hissəsi yerindən qopub.
“Yeni tikilən binanın qarşısının bu vəziyyətdə olması nə biz, nə də şəhərin qonaqları üçün xoş deyil. Dəfələrlə uşaq və yaşlılar oradan keçəndə nəyəsə ilişib yıxılıblar. Otları da biçmirlər, naxoş görüntü yaranır. Hər dəfə zəng vurub adam çağırırıq ki, otları təmizləsinlər, yoxsa gəlib baxan yoxdu”, - deyə sakinləri bildirirlər.
