Gəncədə növbəti iməcilik keçirilib. Bu haqda 21 iyul tarixində MKTİB-yə istinadən məlumat veririk.
Təmizlik aksiyası Mənzil Kommunal Təsərrüfatı İstehsalat Birliyi tərəfindən Mehdi Hüseynzadə küçəsində təşkil olunub. Küçədəki kol-kos, alaq otları, arxın axınına mane olan məişət tullantıları, yol ətrafında bitən yabanı otlar biçilib, bəzi ərazilər isə qurumun xüsusi texnikası vasitəsilə təmizlənib.
Bundan başqa, M.Hüseynzadə və Ələkbər Ziyatay küçələrinin kəsişməsində Qarabağ müharibəsi şəhidlərinin xatirəsinə ucaldılan lövhə və bulaq səliqəyə salınıb. Ərazi təmizlənib və yaşıllıqlara aqrotexniki qulluq göstərilib.
