Gəncədə şəhidin xatirəsi yad olunub. Bu haqda Gencexeber.az-a 14 sentyabr tarixində məlumat daxil olub.
Bu gün, 14 sentyabr Ermənistan silahlı qüvvələrinin dövlət sərhədində törətdiyi genişmiqyaslı təxribatların qarşısının alınması zamanı qəhrəmancasına şəhid olan Vətən müharibəsi iştrirakçısı Asiman İmamverdiyevin il mərasimi baş tutub. İcra başçısı Niyazi Bayramov, Türkiyənin Gəncədəki Baş konsulu Recep Öztop, millət vəkili Müşfiq Cəfərov, İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə, təşkilat rəhbərləri və ictimaiyyət nümayəndələri şəhidin məzarını ziyarət edib, üzərinə gül dəstələri düzüblər.
Mərasimdə şəhidin ailəsi, dostları və şəhər sakinləri iştirak ediblər.
Qeyd edək ki, şəhid Asiman Mehman oğlu İmamverdiyev 2 avqust 1988-ci ildə Gəncədə anadan olub. O, ölümündən sonra Prezident tərəfindən “Azərbaycan Bayrağı” ordeni və “Vətən uğrunda” medalı ilə təltif edilib.
