Macarıstanın səfiri Gəncəyə baş çəkib.
Gencexeber.az Şəhər İcra Hakimiyyətinə istinadən məlumat verir ki, Macarıstan Respublikasının ölkəmizdəki fövqəladə və səlahiyyətli səfiri Tamaş Tormanın rəhbərlik etdiyi nümayəndə heyəti Nizami yurdunu ziyarət edib. Qonaqlarla nəzakət görüşü keçirilib.
Tədbirdə icra başçısının birinci müavinləri Səməd Tomuyev və Adil Tağıyev, Aparatın İctimai-siyasi və humanitar məsələlər şöbəsinin müdirinin müavini – dini qurumlarla işin təşkilatçısı Abuzər Zeynalov, Macarıstan Kənd Təsərrüfatı və Həyat Elmləri Universitetinin rektoru Çaba Guriça, Beynəlxalq Əlaqələr üzrə Direktoru David Bekeşi, Mədəniyyət və Təhsil İşləri üzrə Birinci Katib Monika Felföldi, attaşe Daniel Brenner və “Agrodairy” şirkətinin rəhbərliyi iştirak ediblər.
Görüş zamanı Səməd Tomuyev şəhərin tarixindən və bugünündən danışıb. Daha sonra Tamaş Torman Azərbaycanla Macarıstan arasında dostluq münasibətlərini daha da genişləndirmək niyyətində olduğunu bildirib.
Tədbirdə qarşılıqlı əməkdaşlıq imkanları müzakirə olunub.
