Gəncədə voleybolla bağlı görüş təşkil olunub. Bu haqda 31 may tarixində Gənclər və İdman Baş idarəsinə istinadən məlumat veririk.
Gənclər və İdman Baş İdarəsinin rəisi Həmid Nəsirov, icra başçısının müavinləri Səməd Tomuyev və Adil Tağıyev Gəncə Şəhər 1 nömrəli Uşaq-Gənclər İdman-Şahmat Məktəbinin rəhbərliyinin iştirakı ilə məşqçilər və yeniyetmə voleybolçularla görüşublər. Burada voleybolun tarixi, inkişafı və hazırkı vəziyyəti barədə söhbətlər aparılıb.
Bildirilib ki, bölgələrdə seleksiya xarakterli görüşlərin təşkilində əsas məqsəd perspektivli gənc oyunçuların müəyyənləşdirilməsi və onların gələcəkdə milli komandalara cəlb olunmasıdır.
