Gəncədə iftar süfrəsi təşkil olunub. Bu haqda 10 aprel tarixində Mənəvi Dəyərlərin Təbliği Fonduna istinadən məlumat veririk.
Tədbir Mənəvi Dəyərlərin Təbliği Fondunun maliyyə dəstəyi, İcra Hakimiyyətinin və "İmamzadə ziyarətgah" məscidi dini icmasının birgə təşkilatçılığı ilə baş tutub. Burada şəhid ailələri, qazilər, din xadimləri və ictimaiyyət nümayəndələri iştirak ediblər.
Yığıncaq Qurani-Kərimin tilavəti ilə başlayıb. Burada şəhidlərin ruhuna dualar oxunub, xatirələri yad edilib.
Mərasimin sonunda Mənəvi Dəyərlərin Təbliği Fondunun maliyyə dəstəyi ilə çap edilmiş "Qurani-Kərim" kitabları şəhidlərimizin ailə üzvlərinə hədiyyə olunub.
