Gəncədə icra başçısı şəhid ailəsinə baş çəkib. Bu haqda 30 avqust tarixində İcra Hakimiyyətinə istinadən xəbər veririk.
Vətən müharibəsi şəhidi Asiman İmamverdiyevin qızı Nuray İmamverdiyeva açıq ürək əməliyyatı keçirib. YAP Gəncə şəhər təşkilatının sədri, icra başçısı Niyazi Bayramov və məsul əməkdaşları İmamverdiyevlər ailəsinə baş çəkiblər. Onlar balaca Nuraya şəfa diləyiblər.
Şəhər rəhbərliyi, həmçinin ailəni narahat edən məsələlərlə maraqlanıb, həll olunması üçün aidiyyəti üzrə tapşırıqlar verib.
Qeyd edək ki, Asiman Mehman oğlu İmamverdiyev 12 sentyabr 2022-ci ildə Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı şəhidlik zirvəsinə ucalıb.
