Gəncədə kitabxanaların birində sagirdlərin iştirakı ilə tədbir baş tutub. Bu haqda 26 fevral tarixində 13 saylı Kitabxanaya istinadən xəbər veririk.
13 saylı Kitabxanada "Bu tarixi unutmayın" adlı söhbət təşkil olunub. Burada 32 saylı tam orta məktəbin müəllim və şagirdləri iştirak ediblər. Tədbirin əvvəlində şəhidlərimizin əziz xatirəsi və Xocalı soyqırımı qurbanlarının əziz xatirəsi bir dəqiqəlik sükutla yad edilib.
Söhbət zamanı Xocalı faciəsi haqqında ətraflı məlumat verilərək, bu dəhşətli faciənin Azərbaycan tarixində ən qanlı hadisələrdən biri olduğundan, erməni silahlı dəstələri tərəfindən xalqımıza qarşı törədilən bu cinayətin ağır nəticələrindən, dinc əhalinin xüsusi qəddarlıqla qətlə yetirilməsindən, əsir götürülən insanların isə dəhşətli işgəncələrə, zülm və təhqirlərə məruz qaldıqlarından danışılıb. Sonda şagirdlər Vətənə, doğma torpağa olan sədaqət və məhəbbət duyğularını şeirlərlə nümayiş etdiriblər.
