Gəncədə növbəti aksiya baş tutub. Bu haqda 2 aprel tarixində İcra Hakimiyyətinə istinadən məlumat veririk.
Ağacəkmə aksiyası Uşaq Səfirlər Məclisinin Gəncə şəhəri üzrə region nümayəndələrinin təşəbbüsü, Gəncə Şəhər İcra Hakimiyyəti və Gəncə-Daşkəsən Regional Təhsil İdarəsinin dəstəyi ilə keçirilib. Buraya Uşaq Səfirlər Məclisinin Gəncə şəhəri üzrə 2 region nümayəndəsi və onlara dəstək üçün seçilən 20 fəal məktəbli qatılıb.
Heydər Əliyev Park-Xiyaban Kompleksində iştirakçıların sayına uyğun olaraq, 22 Eldar şamı əkilib.
Bildirilib ki, "Yaşıl dünya naminə həmrəylik ili” çərçivəsində keçirilən bu tip aksiyalar 2024-cü il ərzində davam edəcək. Növbəti aksiya zamanı şəhər ərazisində olan yaşıllıq zolaqlarına qulluq göstərilməsi nəzərdə tutulur.
