Gəncədə mərkəzi küçələrdən birində xoşagəlməz görüntü yaranıb.
Gencexeber.az-a daxil olan məlumata əsasən, söhbət Nizami Gəncəvi və Ağamirzə Əhmədov küçələrinin kəsişməsindən gedir. 6 nömrəli tam orta məktəbin və şəhərin məşhur yerlərindən olan “Butulkalı ev”in yaxınlığında ağacın dibinə məişət tullantıları atılır.
Sakinlərin sözlərinə görə, bu hal mütəmadi olaraq təkrarlanır. Mənzil Kommunal Təsərrüfatı İstehsalat Birliyinin əməkdaşları ərazini təmizləsələr də, vətəndaşlar həmin yeri səliqədə saxlamırlar.
“Uşaqlarımız bu yoldan keçərək məktəbə gedib-gəlirlər. Tullantıların həm qoxusu olur, həm də antisanitar vəziyyət yaranır. Tullantıları həmin yerə atan sakinlərin övladlarımızın sağlamlığı və şəhərin təmizliyinə biganə qalmamasını istəyirik”, - deyə vətəndaş əlavə edib.
