Gəncədə bir sıra evlər mavi yanacaqla təchiz edilmir. Bu haqda 26 yanvar tarixində ATV-yə istinadən məlumat veririk.
Söhbət şəhərin Məhsəti qəsəbəsindən gedir. Samir Əliyev küçəsinin sakinləri mavi yanacağın olmaması səbəbindən qış aylarında evlərini müxtəlif alternativ yollarla isitməyə çalışırlar.
Bu hal 60-dan çox evdə müşahidə olunur. Sakinlərin sözlərinə görə, onlar mətbəxdə maye qaz balonlarından istifadə edirlər. Onlar bu vasitələrin həyatları üçün təhlükəli olduğunu bildirirlər.
Məsələ ilə bağlı “Azəriqaz” İstehsalat Birliyinin şöbə rəisi Teymur Cəfərov açıqlama verib. O bildirib ki, Məhsəti qəsəbəsində yaşayış sahələrinə paylayıcı küçə xətlərinin çəkilməsi müəssisənin 2024-cü il planına daxil edilib. Bununla əlaqədar olaraq, podratçı təşkilatla müqavilə bağlanıb.
[modula id="53836"]
