Gəncədə təlim təşkil olunub. Bu haqda 28 iyun tarixində Heydər Əliyev mərkəzinə istinadən məlumat veririk.
Narkotik və psixotrop maddələrə qarşı mübarizə ilə bağlı təlim Mədəniyyət Nazirliyinin və Dövlət Komissiyasının İşçi Qrupunun birgə təşkilatçılığı ilə Gəncə şəhər Heydər Əliyev Mərkəzində təşkil edilib. Burada Regional Mədəniyyət İdarəsinə tabeli müəssisələrin mütəxəssisləri iştirak ediblər.
Təlimdə Dövlət Komissiyasının daimi fəaliyyət göstərən İşçi Qrupunun sektor müdiri narkotik asılılıq probleminə dair biliklərinin və peşəkarlıq səviyyəsinin artırılması məqsədilə iştirakçılara narkotik maddələrdən istifadənin risk amilləri, psixoaktiv maddələrin xüsusiyyətləri və onların sağlamlığa zərərli təsiri, narkotik asılılığının formalaşma mərhələləri, antinarkotik təbliğatın vacibliyi, narkomanlığa qarşı mübarizə üsulları barədə geniş məlumat verib və iştirakçıları maraqlandıran suallar ətrafında müzakirələr aparılıb.
