Gəncədə maarifləndirici tədbir keçirilib. Bu haqda 25 noyabr tarixində İcra Hakimiyyətinə istinadən məlumat veririk.
“Gəncə şəhərinin mədəni irsinin, tarix və mədəniyyət abidələrinin təbliği” mövzusunda tədbir İcra Hakimiyyətinin təşkilatçılığı, Mədəni İrsin Qorunması, İnkişafı və Bərpası üzrə Dövlət Xidmətinin Gəncə Regional İdarəsinin, Gəncə-Daşkəsən Regional Mədəniyyət İdarəsinin, Gəncə Dövlət Tarix-Mədəniyyət Qoruğunun və AMEA-nın Gəncə Bölməsinin dəstəyi ilə təşkil olunub. Görüş Azərbaycan Dövlət Aqrar Universitetində baş tutub.
Burada bir sıra rəsmi şəxslər iştirak ediblər. İştirakçılara mövzu barəsində məlumat verilib. Çıxışlar zamanı, həmçinin videoslaydlar da nümayiş olunub.
Sonda mövzu ətrafında müzakirələr aparılıb və suallar cavablandırılıb.
