Gəncədə avtomobil qəzası baş verib. Bu haqda Gencexeber.az-a 1 iyul tarixində məlumat daxil olub.
Hadisə şəhərin Nizami prospektində qeydə alınıb. “Ulduzlu gecə” şadlıq sarayının qarşısında əks-istiqamətdə hərəkət edən iki “Toyota Prius” markalı avtomobil toqquşub. Nəticədə bir nəfər yüngül xəsarət alıb.
Qəza baş verən əraziyə polis əməkdaşları cəlb olunublar. Faktla bağlı araşdırma aparılır.
İlkin məlumata əsasən, hər iki avtomobil icarəyə götürülüb.
