Gəncədə maarifləndirici tədbir keçirilib. Bu haqda 21 sentyabr tarixində Regional Təhsil İdarəsinə istinadən məlumat veririk.
Korrupsiya hüquqpozmaları ilə bağlı görüş İcra Hakimiyyəti, Gəncə şəhəri üzrə təhsil sektoru, şəhər Prokurorluğu və Polis İdarəsinin birgə təşkilatçılığı ilə baş tutub. Burada sözügedən qurumların əməkdaşları, ümumtəhsil məktəblərinin direktorları və direktor müavinləri, məktəbəqədər təhsil müəssisələrinin rəhbərləri iştirak ediblər. Görüş müddətində korrupsiya hüquqpozmaları ilə bağlı məlumat verilib. Həmçinin iştirakçılar mövzu ilə bağlı təlimatlandırılıblar.
Tədbirin keçirilməsində məqsəd korrupsiyaya qarşı mübarizənin gücləndirilməsi, şəffaflığın artırılması, müvafiq normativ-hüquqi sənədlərin tələblərinin diqqətə çatdırılması olub.
