Gəncədə bir sıra təlimlər təşkil olunub. Bu haqda 26 dekabr tarixində KOBİM-ə istinadən məlumat veririk.
"Antikorrupsiya və etik davranış qaydaları", "Vergi problemləri və onun həlli yolları" və "Menecerliklə liderlik arasındakı fərq" mövzularında təlimlər keçirilib. Tədbirlər KOB İnkişaf Mərkəzi (KOBİM) tərəfindən baş tutub.
Birinci təlimdə qurumun eksperti iştirakçılara müştəriyə müraciət formaları, düzgün qeyri-verbal davranış, müştəri suallarının və fikirlərinin dəqiqləşdirilməsi, müştərilərlə ünsiyyət və xidmət prosesi haqqında məlumat verib. İkinci tədbirdə respublikada vergi tutmanın əsasları, vergi uçotu və vergi yoxlamaları və müəssisələrin qarşılaşdığı vergi problemləri və onların həlli yolları barədə danışılıb. Sonuncu təlimdə isə iştirakçılar idarəçi və lider arasında fərqlər, idarəetmə funksiyaları və üsulları, korporativ mədəniyyət haqqında maarifləniblər.
