Gəncədə sahibkarlar üçün təlim keçirilib. Bu haqda 24 yanvar tarixində KOBİM-ə istinadən məlumat veririk.
“Etik davranış qaydaları" mövzusunda maarifləndirici təlim Gəncə KOB İnkişaf Mərkəzi (KOBİM) tərəfindən təşkil olunub. Burada ekspert tərəfindən etik davranış qaydaları, səmərəli xidmət mədəniyyətinin əsas şərtləri, ölkəmizdə korrupsiyaya qarşı mübarizə sahəsində həyata keçirilən institusional və qanunvericilik islahatları barədə ətraflı məlumat verilib.
Təlimdə, həmçinin korrupsiya anlayışı, vəzifəli şəxs kimdir, korrupsiya hüquqpozmaları və korrupsiya şəraiti yaradan hüquqpozmalar, korrupsiya hüquqpozmaları barədə məlumat verən şəxsin dövlət müdafiəsi, bu sahədə müraciətə baxılması, etik davranış qaydaları haqda danışılıb. Sonda iştirakçıların mövzu ilə bağlı sualları cavablandırılıb.
