Gəncədə maarifləndirici təlim təşkil olunub. Bu haqda 21 sentyabr tarixində Gəncə KOBİM-ə istinadən xəbər veririk.
"Biznes Model Canvas”ın yaradılması" mövzusunda 2 maarifləndirici təlim baş tutub. Burada KOBİM-in eksperti biznes ideya nədir, ideyanın yaradılması və onun reallaşdırılması mərhələləri, biznes fəaliyyətini inkişaf etdirmək və uğur qazanmaq üçün lazım olan tədbirlər haqqında məlumat verib.
Həmçinin təlimdə biznes ideyanın təkmilləşdirilməsi, mövcud ideyanın analiz edilməsi, uğurlu biznes ideyasının seçilməsi və startap qurarkən məhsul yaratmağın deyil, dəyər yaratmağın vacibliyi haqda danışılıb.
Qeyd edək ki, təlim Kiçik və Orta Biznesin İnkişaf Mərkəzi (KOBİM) tərəfindən təşkil olunub.
