Gəncədə sahibkarlar üçün daha bir təlim baş tutacaq. Bu haqda Gəncə KOBİM-ə istinadən məlumat veririk.
"Vergi tutmanın əsasları" mövzusunda maarifləndirici təlimi Gəncə KOBİM-in təlimçisi İlkin Dövlətov keçəcək. Tədbir 19 may saat 10:30-da təşkil olunacaq. Burada aşağıdakı mövzulara toxunulacaq:
- Vergi qanunvericiliyi və vergi sistemi;
- Vergi qanunvericiliyinin tətbiqi zamanı istifadə olunan anlayışların praktiki izahı;
- Vergi qanunvericiliyinin pozulması halları və bu hallarla bağlı Vergi Məcəlləsi, İnzibati Xətalar Məcəlləsi və Cinayət Məcəlləsində nəzərdə tutulan məsuliyyət tədbirləri;
- Bankların vergi ödəyicilərinin uçotu ilə bağlı vəzifələri. Vergi sərəncamları və vergi ödəyicisinin əmlakının siyahıya alınması proseduru;
- Fiziki və hüquqi şəxslərin vergiyə cəlb edilməsi;
- Gəlir və mənfəət vergiləri ilə bağlı müddəalar.
Təlimin sonunda iştirakçılara sertifikatlar təqdim ediləcək. İştirak ödənişsizdir.
Qatılmaq üçün üçün (055) 213 11 24 nömrəsi ilə əlaqə saxlaya və ya gence@kobim.az elektron poçt ünvanına müraciət etmək lazımdır.
