Gəncədə sahibkarlar üçün təlim keçirilib. Bu haqda 23 iyun tarixində KOBİM-ə istinadən məlumat veririk.
"Aqrar sektor üzrə istehsal və biznes yönümlü imkanların genişləndirilməsi və maliyyə savadlılığının artırılması" mövzusunda maarifləndirici təlimlər Gəncə KOB İnkişaf Mərkəzi (KOBİM) tərəfindən təşkil olunub. Burada 12 nəfər iştirak edib. Onlara KOBİM-in eksperti tərəfindən aqrar sahədə balanslı idarəetmə, keyfiyyətli qərarvermə işinin təşkili və strateji yanaşma, biznesin idarə edilməsində maliyyə nəzarətinin əhəmiyyəti, təhlil sisteminin qurulması haqqında məlumat verilib.
Təlimdə maliyyə savadlılığı, büdcə, gəlir və xərclər anlayışı, borc və öhdəliklərin müəyyən edilməsi, investisiya və faizlərin idarə olunması, risk dərəcələri və onun idarə olunması barədə də danışılıb. Sonda iştirakçıların mövzu ilə bağlı sualları cavablandırılıb.
