Gəncədə sakinlər kommunal problemlə üzləşiblər. Bu haqda Gencexeber.az-a 3 oktyabr tarixində məlumat daxil olub.
Sözügedən hal şəhərin ikinci mikrorayonunda müşahidə olunur. 1 saylı binanın 2-ci blokunun sakinləri bildirirlər ki, tikilinin damından yağış suları axır. Yağmurlu hava şəraitində mənzillərin divarlarına su sızır. Məsələ ilə bağlı aidiyyəti quruma müraciət olunub, lakin məsələ həllini tapmayıb.
“Yağış yağanda bütün su dolur evin içinə. MKTİB-yə yazılı müraciət etmişik. Bildirilib ki, binanın damının təmiri üçün lazımi texnika yoxdur. Amma bir müddət öncə qurum tərəfindən burada təmir işləri aparılıb. Binamızın dam örtüyünün bərpa olunmasını rica edirik”, - deyə sakinlər bildirirlər.
