Gəncədə xəsarətlə nəticələnən qəza baş verib. Bu haqda 8 fevral tarixində Kəpəz televiziyasına istinadən xəbər veririk.
Hadisə Cavadxan və Qara Qarayev küçələrinin kəsişməsində qeydə alınıb. "VAZ 2106" və "Mercedes" markalı avtomobillər toqquşub. Nəticədə birinci nəqliyyat vasitəsinin sərnişini, Şəmkir rayon Qafanlı kənd sakini xəsarət alıb. Həmin şəxs - 41 yaşlı Gülnar Nağıyeva kəllə-beyin travması ilə Təcili Tibbi Yardım Xəstəxanasına yerləşdirilib.
Zərərçəkənin vəziyyətinin orta ağır olduğu bildirilir.
Faktla bağlı araşdırma aparılır.
Xatırladaq ki, bir neçə gün öncə adıçəkilən ərazidə daha bir qəza baş verib. Nəticədə piyada dünyasını dəyişib.
