Gəncədə daha bir müsabiqə baş tutacaq. Bu haqda 24 yanvar tarixində Milli.az-a istinadən məlumat veririk.
“Kəpəz” Rəqs Kuboku Azərbaycan Gənclər İttifaqı və "Azərbaycan Rəqs Assosiasiyası"nın birgə təşkilatçılığı ilə keçiriləcək. Müsabiqə 28 yanvar tarixində Gəncə Olimpiya İdman Kompleksində təşkil olunacaq. Turnirdə Bakı şəhəri, Ağstafa, Zaqatala, Lənkəran, Qax, Şəki və digər bölgələrimizin rəqs qruplarının müraciəti təsdiqlənib.
Müsabiqə çox maraq göstərilən Folklor etnik, Folklor stilizasiya, “Folklor show”, Dünya xalqları rəqsi, “Hip-hop show”, Akrobatik rəqs, “Showdance”, “Bollywood”, “Belly dance”, Klassik Hind rəqsi, “Cheer dance”, Klassik rəqs növləri üzrə keçiriləcək. İştirakçılar fərqli nominasiyalar və yaş qrupları (körpə(4-6), uşaq 1(7-8), uşaq 2(9-10), yunior 1(11-12), yunior 2(13-14), yunior 3(15-16), böyüklər(17+), qarışıq yaşlar) üzrə yarışacaqlar. Onların çıxışları respublika üzrə nüfuzlu rəqqas və xoreoqraflardan ibarət münsiflər heyəti tərəfindən əsasnamədə qeyd olunan meyarlara uyğun qiymətləndiriləcək.
Müsabiqə ilə bağlı ətraflı məlumat üçün (050) 250 22 93 nömrəsi ilə əlaqə saxlamaq lazımdır. Son müraciət tarixi 25 yanvardır.
