Gəncədə attestatların verilməsi prosesi start götürüb. Bu haqda 21 iyul tarixində Regional Təhsil İdarəsinə istinadən məlumat veririk.
Gəncə-Daşkəsən Regional Təhsil İdarəsinin tabeliyində fəaliyyət göstərən məktəblərdə IX və XI sinfi bitirən məzunlara attestatların verilməsinə başlanılıb. Ümumi təhsil sənədində illik və imtahan qiymətləri yazılır. Tam orta təhsil haqqında attestatda isə şagirdin bitirdiyi sinfin təmayül istiqaməti də qeyd olunur.
Qeyd edək ki, bu il (2022-2023-cü tədris ili) Regional Təhsil İdarəsinin tabeliyindəki təhsil müəssisələrinin IX siniflərini bitirənlərdən 7715, XI sinifləri bitirənlərdən isə 5577 nəfərə attestat təqdim ediləcək.
