Gəncədə futbol klubunun rəsmisi yanğın barədə danışıb. Bu haqda 27 dekabr tarixində Report-a istinadən məlumat veririk.
“Kəpəz”in İdarə Heyətinin sədri İlqar Nadiri çıxış edib. O, bir neçə gün öncə Şəhər Stadionunda baş verən yanğınla bağlı danışıb. Nadiri bildirib ki, hadisə konteynerdə olub.
“Bunun əslində klubla heç bir bağlılığı yoxdur. Sadəcə, ərazidə söküntü işi aparılması üçün lazım olan konteyner tipli kiçik qurğu yanmışdı. Ancaq bu, insanları narahat edən formada şişirdildi. Halbuki ciddi bir yanğın və ya hansısa fəsad olmayıb”, - deyə rəsmi qeyd edib.
