Göygöldə yeni festival təşkil olunacaq.
Ölkədə ilk dəfə Moruq Festivalı keçiriləcək. Tədbir sentyabrın 14 və 15-i saat 10:00-da baş tutacaq. Festivalın rayonun Keşkü kəndində təşkil olunması planlaşdırılır.
Burada iştirakçılara hər növ moruqlu içkilər və təamlar, müxtəlif musiqi və rəqslərdən ibarət konsert proqramı, uşaqlar və böyüklər üçün müxtəlif əyləncələr, kamp qurmaq istəyənlər üçün isə ayrılmış ərazi təqdim olunacaq. Festivalda həmçinin sənətkarlıq məhsullarının sərgi-satış yarmarkası keçiriləcək.
Qeyd edək ki, tədbirə hər kəs ödənişsiz olaraq qatıla bilər.
