Gəncə Şəhər İcra Hakimiyyətinin başçısı Niyazi Bayramov Portuqaliyanın Braqa şəhərində keçirilən "MİT" III Beynəlxalq Teatr Festivalından mükafatla qayıdan Gəncə Dövlət Milli Dram Teatrının rəhbərliyi və aktyor heyəti ilə görüşüb.
Gencexeber.az-a icra hakimiyyətindən verilən məlumata əsasən, təşkil olunan tədbirdə Gəncə-Daşkəsən Regional Mədəniyyət İdarəsinin rəisi Pərvin Kazımov və Gəncə Şəhər İcra Hakimiyyəti başçısı Aparatının məsul əməkdaşları iştirak ediblər.
Görüşdə Niyazi Bayramov Gəncə Dövlət Milli Dram Teatrının direktoru Aqil Bəhramlı və aktyor heyətini əldə etdikləri nailiyyətlərlə bağlı təbrik edib. İcra başçısı Aqil Bəhramlını Azərbaycan Teatr Xadimləri İttifaqının təsis etdiyi “Teatr xadimi” qızıl medalına layiq görülməsi münasibəti ilə də təbrik edib.
Sonda isə cari mövsümdə teatrda səhnələşdiriləcək yeni tamaşalar və planlaşdırılan səfərlər barədə şəhər rəhbərinə məlumat verilib
