Gəncədə təqdimat mərasimi keçirilib. Bu haqda 24 iyul tarixində Regional Mədəniyyət İdarəsinə istinadən məlumat veririk.
Tədbir Mərkəzi Kitabxananın Xidmət şöbəsində təşkil olunub. Burada şairə Esmira Günəşin 44 günlük Vətən müharibəsində canlarını fəda etmiş şəhidlərin xatirəsinə həsr olunmuş “Qəlbimizdə yaşayanlar” kitabının təqdimatı baş tutub. Yenicə nəşr olunmuş kitabda Azərbaycanın bir çox bölgələrindən olan şəhidlərimizə aid şeirlər yer alıb.
Tədbirdə Gəncə, Şəmkir, Daşkəsən bölgələrindən olan şəhidlərin valideynləri iştirak ediblər. Qonaqlar çıxış edərək övladları haqqında xatirələrini bölüşüblər. Şairə Esmira Günəş yeni kitabından hər şəhidə aid şeirini səsləndirib, görüşdüyü şəhid ailələri ilə bağlı təəssüratlarını iştirakçılarla paylaşıb.
