Bu gün şəhid Vüqar Həsənovun doğum günüdür.
Vüqar Məmməd oğlu Həsənov 9 sentyabr 1975-ci ildə Gəncədə anadan olub. 18 nömrəli orta məktəbi bitirib. Təhsilini texniki-peşə məktəbində davam etdirib və burada sürücülük peşəsinə yiyələnib.
11 oktyabr 1993-cü ildə həqiqi hərbi xidmətə çağırılıb. O, Gədəbəy rayonunun Saratovka-İvanovka kəndlərinin müdafiəsində iştirak edib.
Vüqar Məmməd oğlu Həsənov 13 iyun 1994-cü ildə Daşkəsən rayonunun “Ağ qaya” adlanan sahəsində gedən döyüşlərin birində şəhidlik zirvəsinə ucalıb. Onun cəsədi qırx gün düşmənin işğal etdiyi ərazidə qalıb.
Şəhidimiz 22 avqust 1994-cü il tarixində Gəncə şəhərinə gətirilərək Şəhidlər xiyabanında dəfn edilib.
