Bü gün şəhid Fikrət Zeynalovun doğum günüdür.
Fikrət Əbdüləli oğlu Zeynalov 11 sentyabr 1958-ci ildə Gəncədə anadan olub. 5 saylı orta məktəbi bitirib. Nərimanov adına Tibb İnstitutunun məzunu olub. Təyinatla Naxçıvana göndərilib. 7 ildən sonra Gəncəyə qayıdıb. O, Gəncədə Təcili Yardım Stansiyasında işləyib.
Vaxtaşırı döyüş bölgələrinə gedərək xəstə və yaralılara yardım göstərirdi. 1992-ci ildə döyüşçülər sırasına yazılıb. 109 saylı hərbi hissədə həkim işləyib.
Fikrət Əbdüləli oğlu Zeynalov 24 iyun 1994-cü ildə 6 yaralı döyüşçünü müalicə edib. UAZ markalı avtomobili ilə Ağdama qayıdarkən Xındırıstan kəndində düşmənlə 3 saat davam edən döyüşdə şəhidlik zirvəsinə ucalıb.
O, Gəncə Şəhidlər xiyabanında dəfn olunub.
