Gəncədə şəhidin məzarı ziyarət olunub. Bu haqda 13 sentyabr tarixində İcra Hakimiyyətinə istinadən xəbər veririk.
Erməni təxribatı zamanı şəhid olan Erkin Ədalət oğlu Hüseynovun ildönümü ilə əlaqədar xatirəsi yad edilib. Şəhidimizin məzarı İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, millət vəkili Müşfiq Cəfərov, QMİ-nin Qazılar Şurasının üzvü Hacı Tahir Abbasov, İcra Hakimiyyəti aparatının məsul əməkdaşları, bələdiyyə sədrləri, idarə, müəssisə, təşkilat rəhbərləri və ictimaiyyət nümayəndələri tərəfindən ziyarət olunub.
Erkinin məzarına güllər düzülüb, ruhuna dualar oxunub və xatirəsi yad edilib.
Qeyd edək ki, şəhidimiz ölümündən sonra Prezident tərəfindən 3-cü dərəcəli “Rəşadət” ordeni və “Vətən uğrunda” medalı ilə təltif olunub.
