Bu gün şəhid Zərbəli Qafarovun doğum günüdür.
Zərbəli Vidadi oğlu Qafarov 13 iyun 1990-cı ildə Gəncədə anadan olub. 2006-cı ildə 15 nömrəli tam orta məktəbin 9-cu sinfini bitirib. 2008-ci ildə həqiqi hərbi xidmətə çağırılıb. 2019-cu ildən Qafarov Zərbəli Vidadi oğlu MAHHX HQ kimi xidmət edib.
Vətən müharibəsi zamanı “N” saylı hərbi hissənin əsgəri kimi Goranboy və Tərtər rayonları ərazisində gedən döyüşlərdə iştirak edib. Zərbəli Vidadi oğlu Qafarov 8 oktyabr 2020-ci ildə Tərtər rayonunun Talış və Suqovuşan kəndləri istiqamətində gedən döyüşdə şəhidlik zirvəsinə ucalıb. Bir gün sonra Gəncə şəhərinin Şəhidlər xiyabanında torpağa tapşırılıb.
Şəhidimiz ölümündən sonra “Vətən uğrunda” medalı ilə təltif olunub.
