Bu gün şəhid Vitali Sokolov-Əliyevin doğum günüdür.
Vitali Leonidoviç Sokolov-Əliyev 10 iyun 1971-ci ildə Havana şəhərində anadan olub. 1976-cı ildə valideynləri ilə birlikdə Gəncəyə gəliblər. O, orta təhsilini Gəncə şəhəri 29 saylı orta məktəbində alıb. Daha sonra Tbilisidə yerləşən Hərbi Artilleriya Komandanlığı Məktəbinə daxil olub və oranı əla qiymətlərlə bitirib.
I Qarabağ müharibəsi başlayanda leytenant rütbəli Vitali könüllü surətdə cəbhəyə yollanıb, 907 saylı hərbi hissənin tərkibində artilleriya batareyasının komandiri vəzifəsini icra edib.
Vitali Leonidoviç Sokolov-Əliyev 22 noyabr 1992-ci ildə döyüş tapşırığını yerinə yetirərkən mina partlayışı nəticəsində şəhidlik zirvəsinə ucalıb.
