Bu gün şəhid Taleh Nəbiyevin doğum günüdür.
Taleh Əliqara oğlu Nəbiyev 1 dekabr 1958-ci ildə Gəncədə anadan olub. 34 saylı texniki-peşə məktəbini bitirib. O, 1976-1978-ci illərdə sovet ordusunda həqiqi hərbi xidmətdə olub. Xalça kombinatında mühəndis kimi çalışıb. 1983-cü ildə ailə həyatı qurub.
12 oktyabr tarixində Kəpəz Rayon Hərbi Komissarlığı tərəfindən səfərbərliyə alınıb. Kiçik çavuş-təlimatçı vəzifəsində xidmət edib. Burada hərbi nailiyyətləri çox olub.
Taleh Əliqara oğlu Nəbiyev 18 noyabr 1992-ci ildə Ağdərə uğrunda gedən döyüşlərdə şəhidlik zirvəsinə ucalıb.
Şəhidimiz Gəncə Şəhidlər xiyabanında dəfn olunub.
