Bu gün şəhid Samir Zeynalovun doğum günüdür.
Samir Xıdır oğlu Zeynalov 13 sentyabr 1973-cü ildə anadan olub. 9 saylı orta məktəbi bitirib. O, dəfələrlə məktəblərarası bilik müsabiqələrində iştirak edib.
18 yaşı tamam olmamış hərbi xidmətə getmək üçün komissarlığa müraciət edib. Lakin qanunla icazə olmadığından onu hərbi xidmətə aparmayıblar.
5 mart 1991-ci ildə könüllü olaraq cəbhəyə yollanıb. Ağdamın Boyəhmədli, Gülablı, Mərzili kəndləri uğrunda gedən döyüşlərdə iştirak edib.
Samir Xıdır oğlu Zeynalov 18 iyun 1993-cü ildə Ağdamın Novruzlu kəndində gedən döyüşdə şəhidlik zirvəsinə ucalıb.
Şəhidimiz Gəncə şəhərinin Şəhidlər xiyabanında dəfn olunub.
