Bu gün şəhid Sahib Əhmədovun doğum günüdür.
Sahib Məhəmməd oğlu Əhmədov 1 iyul 1964-cü ildə Gəncədə anadan olub. Orta təhsilini 34 saylı məktəbdə alıb. Daha sonra 2 nömrəli Toxuculuq Kombinatının Mədəniyyət evində akkordion kursunda oxuyub.
1982-1984-cü illərdə Xabarovskda hərbi xidmətdə olub. 1985-ci ildə Gəncə Alüminium zavodunda fəhlə kimi əmək fəaliyyətinə başlayıb. 1993-cü ildə Kəpəz Rayon Hərbi Komissarlığının çağırışı ilə cəbhəyə yollanıb.
Sahib Məhəmməd oğlu Əhmədov 31 dekabr 1993-cü ildə Ağdamda Şahbulaq yüksəkliyi uğrunda gedən döyüşdə ağır yaralanıb. Həkimlərin səylərinə baxmayaraq, onun həyatını xilas etmək mümkün olmayıb. 2 yanvar 1994-cü ildə Gəncə şəhər Şəhidlər xiyabanında dəfn edilib.
