Bu gün şəhid Sərxan Muxtarovun doğum günüdür.
Sərxan İlqar oğlu Muxtarov 26 iyun 1988-ci ildə Gəncədə anadan olub. 2005-ci ildə 36 nömrəli tam orta məktəbi bitirib. 2005-2009-cu illərdə Heydər Əliyev adına Azərbaycan Ali Hərbi Məktəbinə daxil olub, “Motoatıcı” ixtisası üzrə ali hərbi təhsilini bitirərək Leytenant hərbi zabit rütbəsi alıb.
Mayor rütbəsinə qədər yüksələn Dövlət Sərhəd Xidmətinin zabiti Sərxan Muxtarov 2020-ci ilin 27 sentyabrından başlayan Vətən müharibəsinin bir çox döyüşlərində və əməliyyatlarında iştirak edib. O, müxtəlif hərbi hissələrin tərkibində Ağcabədi, Ağdam, Qazax, Qubadlı və DSX-də xidmətdə olub. Füzuli, Cəbrayıl, Qubadlı, Laçın, Zəngilan rayonları uğrunda gedən döyüşlərdə vuruşub.
Sərxan İlqar oğlu Muxtarov 12 yanvar 2021-ci ildə Qubadlı rayonunda “N” saylı hərbi hissənin tərkibində xidmətdə olarkən minaya düşərək şəhidlik zirvəsinə ucalıb. Növbəti gün Gəncə şəhərinin Şəhidlər xiyabanında dəfn olunub.
Şəhidimizin Vətənə əmanət bir övladı qalıb.
