Bu gün şəhid Nəriman Əliyevin doğum günüdür.
Nəriman Məcid oğlu Əliyev 22 iyul 1969-cu ildə Gürcüstan Respublikasının Batumi şəhərində anadan olub. Nəriman Əliyev Ukraynanın Lvov şəhərində sovet ordusu sıralarında hərbi qulluğunu başa vurduqdan sonra - 1990-cı ildə valideynləri ilə birgə Azərbaycana gəlib, Gəncə şəhərində məskunlaşıb.
Ermənilərin Azərbaycan torpaqlarına olan hücumları ilə əlaqədar Nəriman Əliyev 7 oktyabr 1992-ci ildə cəbhəyə getmək haqqında çağırış vərəqəsi almış, Ağdərə, Qozlu, Cıldıran, Drambon kəndlərinin düşməndən təmizlənməsində xüsusi mərdlik nümunəsi göstərmişdir.
8 fevral 1993-cü ildə Vaqauz kəndi uğrunda gedən döyüşlərdə şəhidlik zirvəsinə yüksəlib. Nəriman Əliyev Gəncə şəhərinin Şəhidlər xiyabanında dəfn olunub.
