Bu gün şəhid Musa Əsgərovun doğum günüdür.
Musa Rövşən oğlu Əsgərov 16 iyun 2000-ci ildə Daşkəsən rayonunun Muşavaq kəndində anadan olub. 2007-ci ildə Muşavaq kənd orta məktəbinin 1-ci sinfinə daxil olub. 2017-ci ildə Gəncə şəhər 12 nömrəli tam orta məktəbi bitirib.
2018-ci ildə həqiqi hərbi xidmətə çağırılıb. Daha sonra Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrdə xidmət etməyə başlayıb. Vətən müharibəsi zamanı Füzuli, Cəbrayıl, Qubadlı və Zəngilan rayonlarının azad olunması uğrunda döyüşüb.
Musa Rövşən oğlu Əsgərov 27 oktyabr 2020-ci ildə Xocavənd rayonunun Qırmızı Bazar qəsəbəsində şəhidlik zirvəsinə ucalıb. Noyabrın 9-da isə Gəncə şəhərinin Şəhidlər xiyabanında dəfn edilib.
Şəhidimiz ölümündən sonra “Vətən uğrunda” və “Cəbrayılın azad olunmasına görə” medalları ilə təltif olunub.
