Bu gün şəhid Əli Rəcəbovun doğum günüdür.
Əli Nağı oğlu Rəcəbov 29 iyun 1964-cü ildə Gəncədə anadan olub. Orta təhsilini 1981-ci ildə M.Ə.Sabir adına 5 saylı orta məktəbdə alıb. 1982-1984-cü illərdə həqiqi hərbi xidmətdə olub. Qayıtdıqdan sonra bir müddət Evtikmə Kombinatında işləyib. Dəfələrlə “Şahinlər” hərbi idman oyunlarının qalibi olub.
18 mart 1992-ci ildə Rəcəbov könüllü olaraq Qarabağ uğrunda gedən döyüşlərə qoşulub. Todan, Çaykənd, Azad, Kamo, Gülüstan, Talış, Sarısu, Buzbulaq kəndlərinin müdafiəsində iştirak edib.
Əli Nağı oğlu Rəcəbov 7 yanvar 1994-cü ildə Ağdərə uğrunda gedən döyüşlərdə snayper gülləsinə tuş gələrək şəhidlik zirvəsinə ucalıb. O, Gəncə şəhər Şəhidlər xiyabanında dəfn olunub.
Şəhidimizin Vətənə əmanət iki övladı qalıb.
