Bu gün şəhid İlham Məmmədovun doğum günüdür.
İlham Elxan oğlu Məmmədov 27 iyun 1980-ci ildə Gəncədə anadan olub. 37 saylı orta məktəbdə 9-cu sinfədək oxuyan İlham atası Elxanın yolunun davamçısı olmaq üçün 1 saylı texniki-peşə məktəbində təhsilini davam etdirib.
5 oktyabr 1998-ci ildə Kəpəz Rayon Hərbi Komissarlığı tərəfindən həqiqi hərbi xidmətə çağırılıb. Döyüş yolu Tərtər rayonundan başlayıb. O, Tərtər batalyonunda 8 ay xidmət edib.
İlham Elxan oğlu Məmmədov 1999-cu il iyunun 13-dən 14-nə keçən gecə Tərtər rayonunun Qızıloba kəndində gedən qanlı döyüşdə böyük şücaət göstərib. 300 nəfər erməni ilə 10 saata yaxın gedən vuruşma onun sonuncu döyüşü olub. Qəhrəmanımız döyüşdə yaralanan kiçik çavuş Ceyhun Xalıqovun yarasını sarıyarkən düşmən snayperindən açılan gülləyə tuş gəlir və şəhidlik zirvəsinə ucalır.
O, 15 iyun 1999-cu ildə Gəncə Şəhidlər xiyabanında dəfn olunub.
