Bu gün şəhid Həndi Əliyevin doğum günüdür.
Həndi Elbrus oğlu Əliyev 19 iyun 1992-ci ildə Gəncədə anadan olub. 1999-2011-ci illərdə 31 nömrəli tam orta məktəbdə orta təhsil alıb. 2011-ci ildə həqiqi hərbi xidmətə çağırılıb. Naxçıvan Muxtar Respublikasındakı “N” saylı hərbi hissədə qulluq edib.
5 sentyabr 2020-ci ildə MAXE hərbi qulluqçu kimi xidmətə başlayıb. Vətən müharibəsi zamanı ölkəmizin ərazi bütövlüyü uğrunda vuruşub.
Həndi Elbrus oğlu Əliyev 13 oktyabr 2020-ci ildə Tərtər rayonunun Suqovuşan kəndi istiqamətində gedən döyüşlərdə şəhidlik zirvəsinə ucalıb. Oktyabrın 16-da Gəncə şəhərinin Şəhidlər xiyabanında dəfn olunub.
Şəhidimiz ölümündən sonra “Vətən uğrunda” və “Suqovuşanın azad olunmasına görə” medalları ilə təltif edilib.
