Bu gün şəhid Faiq Əhmədovun doğum günüdür.
Faiq Binnət oğlu Əhmədov 31 may 1968-ci ildə Gəncədə anadan olub. Mikayıl Müşfiq adına orta məktəbdə təhsil alıb. 1988-ci ildə hərbi xidməti başa vurduqdan sonra Gəncə Politexnik Texnikumuna daxil olub.
Faiq 1989-cu ildə Gəncənin könüllü müdafiə dəstəsinə qoşulub. Çaykənddən başlayaraq Ağdərəyədək döyüş yolu keçib. 1992-ci ilin may ayında Marquşevan yaxınlığında döyüş yoldaşları ilə birlikdə mühasirəyə düşsələr də, təslim olmayıb, son nəfəsə kimi vuruşublar. Faiq Əhmədov dəstə ilə birlikdə əsir düşüb. 28 may 1992-ci ildə onun meyiti ermənilərdən dəyişmə yolu ilə geri alınıb.
Faiq Binnət oğlu Əhmədov 29 may 1992-ci ildə Gəncə şəhər Şəhidlər xiyabanında dəfn olunub.
